Það andar köldu milli Caitlyn Jenner og Khloe Kardashian og hefur gert um langa hríð. Caitlyn hefur þó ekki gefið upp vonina að sjá True, dóttur Khloe og Tristans og reynir að gera allt sem hún getur til að fá að hitta „barnabarnið“ sitt, þrátt fyrir að Khloe hafi engan áhuga á því.

Cait (68) er mjög einmana eftir að fjölskyldan lokaði á hana: „Caitlyn fór á bakvið Khloe og hafði samband við Tristan. Hún var mjög skýr: Hún vill hitta True.“

„Cait útskýrði fyrir Tristan hvernir Khloe hefði lokað á hana og hún væri afskaplega spennt að sjá hennar fyrsta barn,“ segir vinur parsins. Tristan vorkenndi Cait mjög og afsakaði hegðun Khloe í hennar garð: „Tristan lofaði Cait að hún yrði hluti af lífi True,“ segir hann áfram og segir að þau hafi jafnvel átt mjög gott spjall og grínast með hversu erfitt það væri að búa með Kardashian konum. Einnig töluðu þau um íþróttir sem þau sameinast í áhuga á.

„Tristan hældi Cait líka. Hann óskaði henni til hamingju með afrek sín á Ólympíuleikunum og sagði henni að á þeim tíma hafi hún verið flottur keppinautur eins og [James] LeBron!“