„Hann lítur út fyrir að vera veikur“ sagði einn aðdáandi eftir að hafa séð myndir úr tónleikaferðalagi sem leikarinn og tónlistarmaðurinn Johnny Depp (54) fór í með hljómsveit sinni The Hollywood Vampires til Rússlands. Voru myndirnar teknar með kvenkyns aðdáendum í Four Seasons hótelinu í St. Pétursborg.

Margir fylgjendur á Instagram voru slegnir og sumir jafnvel þekktu hann ekki. Hefur hann grennst heilmikið og er fölur. Johnny hefur ekki verið mikið í sviðsljósinu síðan árið 2016 en þá var drykkja hans, neysla og ofbeldishneigð ástæða skilnaðar hans og Amber Heard.