Rappararnir Nicki Minaj og Eminem eru nýjasta parið á stjörnuhimninum: Nicky kom óvænt með yfirlýsingu á Twitter þegar aðdáandi spurði hvort hún og Eminem væru að hittast. Í stað þess að svara ekki eða svara út í hött sagði hún einfaldlega: „Já.“

Nicky sagði í fyrra að hún ætlaði að vera skírlíf, en hún er greinilega búin að skipta um skoðun. Þau eiga sér sögu, ekki rómantíska þó, en hann kemur fram í nýjasta lagi hennar Big Bank ásamt þeim YG, 2 Chainz og Big Sean. Í laginu má heyra þessar línur: „Uh oh/Back again/Back to back Maybach, stack the M’s/Told em’ I met Slim Shady, bag the M/Once he go black, he’ll be back again.“

Þau hittust einnig á Grammy verðlaunahátíðinni árið 2011.

Nicky á einhver misheppnuð sambönd að baki og sagði í þætti Ellenar í fyrra að hún væri hætt að hitta menn og væri skírlíf: „Ég vildi prófa ár án þess að hitta nokkra menn, ég hata karlmenn,“ sagði hún.

Eminem – raunverulegt nafn hans er Marshall Mathers – hefur einnig ekki verið í farsælum samböndum. Eftir að hafa skilið við barnsmóður sína árið 2006 í annað sinn, sagði hann að stefnumótaheimurinn væri ekki auðveldur: „Hann er mjög erfiður. Síðan ég skildi hef ég hitt nokkrar konur en ekkert sem ég vildi gera opinbert. Að hitta einhverja er ekki í sjónmáli hjá mér núna,“ sagði hann í viðtali við Vulture. Einnig viðurkenndi hann að hann hefði verið að hitta konur í strippklúbbum.