Í nýju viðtali við Radio Times sagðist Benedict Cumberbatch að karlmenn sem teljist stórstjörnur ættu að sniðganga öll þau verkefni sem borga meðleikkonum ekki jafn mikið og leikurunum: „Jöfn laun og sama sæti við borðið eru kjarni feminískra kenninga. Spurðu hvað konurnar frá greitt og segðu: „Ef hún fær ekki jöfn laun og karlkyns leikarar er ég ekki með.““

Benedict sagði einnig að hann myndi nota nýja kvikmyndafyrirtækið sitt SunnyMarch, til að fagna kvenhetjum í og búa til hlutverk fyrir konur í fyrirtækinu. Sagði hann einnig að hann og viðskiptafélaginn Adam Ackland væru „stoltir“ að vera einu karlmennirnir í fyrirtækinu. Sagði hann einnig að næsta verkefni þeirra væri kvennasaga með fókusinn á móðurhlutverkið: „Ef það snýst um nafnið mitt til að fá fjárfesta getum við notað þá athygli til að fleyta okkur á því. Helmingur áhorfenda er kvenkyns!“

Twitterverjar höfðu ekki undan að lýsa aðdáun sinni á leikaranum.

Jöfn laun kynjanna hefur verið að umtalsefni í Hollywood þetta árið, á sunnudag stóðu 82 konur á rauða dreglinum í Cannes til að krefjast jafnréttis og að þeim yrði skapaður öruggur vinnustaður.