Leikaraparið Channing Tatum og Jenna Dewan skildu á dögunum eftir níu ára hjónaband. Hann hefur tekið ákvörðun um að flytja til New York, sem hafði verið draumur hans lengi: „Channing hefur lengi óskað sér að leika á Broadway en Jenna vildi vera í Los Angeles og vildi ekki heyra um það,“ segir heimildarmaður í viðtali við Radar. „Þetta er hluti ástæðunnar að þau skildu, einnig var hún mjög ákveðin í að vilja annað barn, en hann ekki.“

Vitað er að parið reifst mikið vegna lífsstíls Channing, en hann var mikið úti með vinunum og henni fannst hún oft ein og yfirgefin. Einnig var skiljanlegt að Jennu líkaði ekki við stöðugt daður hans við aðrar konur.

„Channing hefur átt nokkra erfiða mánuði en hann hefur áhuga á að byrja upp á nýtt í nýrri borg. Hann er líka hálf-útbrunninn í Hollywood,“ segir heimildarmaðurinn að lokum.