Þegar hlutirnir gátu ekki orðið enn verri….var það einmitt staðreyndin. Kanye West, rapparinn og eiginmaður Kim Kardashian, hefur verið á útopnu á Twitter undanfarna daga og vikur. Hann hefur farið mikinn…frá því að styðja Donald Trump í að vekja upp kynþáttaóeirðir/hatur. Hann hefur einhvernveginn ekki haft neinn „stoppara“ og sagt allt sem honum sýnist…með óvæntum afleiðingum.
Þann 1. maí síðastliðinn fór Kanye í viðtal hjá fréttastöðinni TMZ sem mest er þekkt fyrir slúður og þar bombaði hann áheyrendur. Hann sagðist hafa verið háður verkjalyfjum og að þrælahaldið hefði verið val fólksins. Fólk var fljótt að bregðast við ummælunum, aðallega Kanye ekki í hag.
„Hún (Kim) er bara reið út í hann fyrir að verða henni og fjölskyldunni til skammar, aftur og aftur,“ sagði innanbúðarmaður í viðtali við InTouch. Hefur Kim áhyggjur af því að hegðun pabbans hafi áhrif á börnin og ímyndina yfir höfuð. Þau rífast stöðugt og „Kanye er brjálaður þar sem Kim reyndi að stoppa hann af.“ Hann rauk í burtu og Kim var grátandi.
Nú er Kanye í húsi sínu í Wyomingríki, segist vera að vinna að tónlist, en Kim (37) hefur áhyggjur af því að hennar þriðja hjónaband sé að fara í hundana. „Hún er niðurlægð. Systur hennar og mamma. Kris Jenner, eru að spyrja hana hversu mikið hún ætli að þola af þessu rugli.“
Kim hefur rætt við Kanye, um hversu mikil áhrif orð hans hafi en hann virðist ekki hlusta: „Þau hafa eflt öryggisgæslu út af orðum Kanye. Enginn veit hvernig á að fá hann til að þegja.“ Morðhótanir hafa borist vegna ummæla hans.
Fjölskyldan er á fullu við að reyna að takmarka skaðann sem Kanye hefur valdið: „Kim vill bara rólegt fjölskyldulíf. Hún vill slaka á og taka engar ákvarðanir í flýti. Kanye hefur hamlað henni við þetta. Hún vill ekki að skoðanir Kanyes verði túlkaðar sem hennar.“
