Augnablikið sem aðdáendur bresku konungsfjölskyldunnar hafa beðið með eftirvæntingu: Skömmu fyrir klukkan 18 í dag komu Kate Middleton og Vilhjálmur prins út á tröppur Lindo Wing á St Mary’s spítalanum til að kynna litla kraftaverkið.

Kate, sem var í rauðum Jenny Packham kjól, leit afskaplega vel út og hreinlega ljómaði með pínulitla prinsinn í fanginu. Vilhjálmur hélt utan um konu sína og var greinilega stoltur líka. Stóru systkinin höfðu komið í dag að hitta hann og má lesa um það HÉR. 

Prinsinn var vakandi á þessu augnabliki, en sennilega óafvitandi að hálfur heimurinn væri að fylgjast með honum. Eftir að hafa veifað mannfjöldanum sem safnast hafði saman fyrir utan spítalann fóru þau aftur inn og komu svo út með barnabílstól.

Vilhjálmur ávarpaði fjöldann og fjölmiðla og sagði að þau hjón væru „afskaplega hamingjusöm, afskaplega glöð,“ og bætti svo við: „Þrefaldar áhyggjur núna!“ Þegar hann var spurður um nafnið sagði hann: „Þið munuð vita það afar fljótlega.“