Þeir sem óskuðu sér þess heitast að Brad Pitt og Jennifer Aniston myndu byrja aftur saman gætu orðið fyrir vonbrigðum því Brad er sagður svo heillaður af MIT prófessornum, Neri Oxman, að hann er að hugsa um að flytja til Boston.
Sagt er að samband þeirra sé mjög náið þessa dagana, en Neri er fráskilin og starfar við arkitektadeild MIT í Boston. Brad hefur oftar en ekki heimsótt hana í skólann og er hann sagður nú þegar hafa lykla að lúxusíbúð hennar í Cambridge: „Þau nánast búa saman“ segir vinur parsins.„Þau hafa verið að hittast í um hálft ár og Brad er mjög hrifinn af henni. Burtséð frá ást þeirra á arkitektúr hafa þau einnig fjöldamargt annað sameiginlegt,“ segir vinurinn.
Sem betur fer fyrir Brad virðist Neri einnig vera hrifin af honum. Myndir náðust af henni skælbrosandi um garða skólans í vikunni og heldur vinurinn áfram: „Neri er heilluð af honum. Hún er að segja við vini sína að hún hefði haldið að hún myndi aldrei finna ástina á ný.“
Brad og Neri eru „næstum tilbúin að gera sambandið opinbert“ en þau hafa verið saman á tvöföldu stefnumóti með gömlum vini Brad, húsgagnahönnuðinum Frank Pollaro: „Brad hefur verið að hanna húsgögn fyrir íbúð Neri með Frank og ætlar að koma henni á óvart.“
Brad er í miðju skilnaðarferli við Angelinu og hefur hann þungar áhyggjur af því hvernig hún á eftir að höndla fréttir af nýju sambandi.
