Leikkonan frábæra, Kate Hudson, tilkynnti að hún ætti von á barni með kærastanum Danny Fujikawa! Föstudaginn 6. apríl tilkynnti hún meðgönguna í æðislegu myndbandi á Instagram með yfirskriftinni „SURPRISE!!!“
Svo útskýrði Kate af hverju hún hafi verið svo lítið á samfélagsmiðlum undanfarið, en hún var svo ofboðslega veik, en hún hafi alltaf verið veik með börnin sín fyrsta þriðjunginn. Einngi sagðist hún hafa verið að þykjast vera hress, hún hafi í raun liðið hræðilegar kvalir.
„Við höfum reynt að halda meðgöngunni leyndri en það er ekki mögulegt lengur þar sem ég er að springa! Það er of mikil áskorun að fela það og það er meiri vinna en að segja bara frá því. Krakkarnir mínir, Danny, ég sjálf og fjölskyldan erum að tryllast úr spenningi!“
Kate bætti svo um betur og sagði frá kyninu með krúttlegum Instagram pósti: „Lítil stelpa á leiðinni,“ sagði hún með bleiku hjarta. Kate á 14 ára strák, Ryder Robinson, en faðir hans er söngvarinn í The Black Crowes, Chris Robinson, og svo er Bingham Hawn Bellamy sex ára með Matt Bellamy í Muse.
Kate hitti Danny fyrst þegar hún var 23 ára og ólétt af Ryder. Parið fór að hittast í desember 2016 en tókst að leyna sambandinu þar til í mars næsta ár. Í maí í fyrra sáust þau svo fyrst opinberlega saman á frumsýningu Snatched.
