Hjón í Rússlandi hafa afar óvenjulegan herbergisfélaga en það er tveggja ára fjallaljón sem heitir Messi. Þau urðu svo hugfangin af honum árið 2016 og fengu að ættleiða hann. Alexandr Dmitriev og Mariy kona hans passa mjög upp á Messi en þau búa í Penza, Rússlandi í lítilli blokkaríbúð.

Messi fær sitt reglulega bað, klærnar eru klipptar, tennurnar hreinsaðar og hann er burstaður á hverjum degi. Hann borðar tvisvar á dag hrátt kjöt s.s. kalkún, kjúkling, naut og einnig hrá bein. Messi er að sjálfsögðu stjarna á samfélagsmiðlum og á fleiri hundruð aðdáendur.