Leikarinn Matthew Perry úr „Friends” hefur verið að gera hosur sínar grænar gagnvart fyrrverandi konu Ben Stillers, Christine Taylor, en sem kunnugt er skildi parið í fyrra. „Matt hefur þekkt Christine næstum eins lengi og Ben og hann varð mjög hrifinn af henni þegar hún lékk aukahlutverk í þáttunum,“ segir innanbúðarmaður í viðtali við Radar.

Þau smellpössuðu strax saman og urðu miklir vinir, en tímasetningin var ekki rétt.

Heldur hann áfram: „Ben og Christine voru í skotheldu hjónabandi þannig Matt passaði að fara ekki yfir neinar línur en hann virkilega elskaði að vinna með henni.

Stiller og Taylor skildu í maí í fyrra eftir 17 ára hjónaband og tvö börn – Ella er 15 ára og Quinlin er 12. Matthew er sagður hafa glaðst yfir fréttunum af skilnaðnum: „Nú fær hann annað tækifærið og er minna hræddur við Ben en þegar hann var á þrítugsaldri. Hann vill  gjarna verða stjúppabbi og Christine er að leita að manni með metnað, húmor og auðvitað óþrjótandi fjárráð en Matt hefur þetta allt til að bera.“

Ben kann þó ekki að vera jafn hrifinn af hugmyndinni, sérstaklega eftir að Matthew féll í nóvember í fyrra þegar klámstjarnan Maddy O’Reilly sagði að leikarinn hefði beðið um hjálp „við að kaupa pillur“ en eins og kunnugt er hefur Matt átt við lyfjafíkn að stríða.

Samt sem áður segir heimildin að Matt sé „yfir sig heillaður af Christine, alveg sama hvað Ben finnst.“

„Ben vill ekki að Christine njóti hamingjunnar…það gæti verið skrýtið ef þau myndu fara í samband því Matt og Ben hafa alltaf verið í góðu bandi. Ben hefur ekki haldið áfram en Christine gæti verið tilbúin í nýtt ástarævintýri.“