Íris Kristjana Stefánsdóttir skrifar: Á mér virkilega að finnast óþægilegt að labba úti á götunum hér á Íslandi þvi ég er hrædd við að fólk dæmi mig því það sést á útlitinu mínu að ég er ekki alveg íslensk?
Ég var úti að skemmta mér með kærastanum mínum á laugardagskvöldi. Svo þegar við förum út af barnum og erum að labba upp Laugaveginn þá labbar einhver gaur á móti okkur og kallar okkur ljótt par. Við stoppum og spyrjum hann hvað hann sé að meina og þá segir hann við mig „Ertu ekki tælensk?“ og ég segi: „Nei, ég er íslensk“. Þá segir hann við mig: „Nei, þú ert asísk“ bendir svo á kærastann minn og segir „ert þú ekki Íslendingur? Stick with your own race.“
Kærastinn minn verður svo pirraður að hann labbar ákveðinn að honum og langar að ráðast á hann en sem betur fer gerði hann ekki neitt. Svo þegar gaurinn labbar skíthræddur í burtu þá segist hann vera stoltur rasisti.
Ég tók þessu virkilega nærri mér og get ekki hætt að hugsa um þetta.
Þetta er alls ekki í fyrsta skipti sem að mér líður eins og að ég sé ekki velkomin hér á landi þótt að ég eigi íslenskan pabba og sé fædd og uppalin á Íslandi.
Færslan birtist fyrst á Facebooksíðu Góðu systur og er birt hér með góðfúslegu leyfi Írisar
