Corey Gamble er „vansæll“ í sambandinu með Kris Jenner, höfuð Kardashian klansins. Þau hafa verið að hittast í fjögur ár og er nú allt í klessu hjá þeim. Hefur Corey verið að kvarta við vini sína að hann viti ekki hvað hann eigi eiginlega að gera.

Parið, sem hefur lengi staðið á brauðfótum, eiginlega frá byrjun og kastaði Kris honum út í horn fyrir nígeríska milljarðamæringinn Christopher Cunningham.

Hlutirnir fóru að versna í síðustu viku þegar Corey fór út með vinum sínum á veitingastaðinn Delilah í vestur Hollywood. Þar var hann með höfuðið ofan í símann sinn allt kvöldið. Hann var með hópi af fólki en talaði ekkert við það, heldur eyddi kvöldinu í að senda sms til Kris. „Corey leit illa út, honum leið greinilega illa þrátt fyrir góðan félagsskap,“ sagði sjónarvottur.

Bæði Leonardo DiCaprio og Tobey Maguire voru á staðnum og Drake kom óvænt fram en Corey lyfti varla höfði: „Hann er orðinn vanur slíkum lífsstíl, að vera hluti af einni valdamestu fjölskyldu í heimi. Svo þegar Kris segir honum að hann megi ekki vera með er hann eins og týndur krakki, hann á ekki marga vini sem hann getur treyst,“ segir vinur hans í viðtali við Radar. „Hann er feiminn en vill reyna að komast inn í klúbbasenuna á meðan Kris ákveður sig, hvað hún vill en það er greinilega ekki að virka fyrir hann.“