Líkamsleifar konu hafa fundist í niðurníddri íbúð en dóttir hennar hafði falið líkið í 30 ár. Var engu líkara en um múmíu væri að ræða. Lögreglan ruddist inn í íbúðina eftir ábendingu frá nágrönnunum. Íbúðin tilheyrði hinni 77 ára konu (dótturinni) sem var eftirlaunþegi í úkraínsku borginni Mykolaiv.

Var konan klædd í hvítan kjól, í bláum skóm og grænum sokkum.

Lögreglan áttaði sig á í hverju lá þegar þeir brutu upp hurð að læstu herbergi. Íbúðin var hreinlega flæðandi í drasli, sem sennilega hafði verið safnað í áratugi, ma. gömlum dagblöðum og rotnandi mat.

Dóttirin fannst í íbúðinni, en hún hafði sama sem ekkert samneyti við nágranna sína. Var hún á lífi en lömuð í báðum fótleggjum. Hún fannst á gólfinu og þurfti mikið á hjálp að halda. Í íbúðinni var ekkert vatn, gas eða rafmagn.

Lögregluskýrslan sagði: „Til að bjarga hinni 77 ára konu var kölluð til neyðarþjónusta til að brjótast inn í íbúðina. Konan fannst þar á gólfi, umkringd rusli. Hún gat ekki gengið og þurfti nauðsynlega á hjálp að halda. Sjúkrabíll var kallaður til.“

Konan bjó ein og fór næstum aldrei út. Nágrannarnir reyndu stundum að nálgast hana og skildu eftir mat á útidyratröppunum. Engan grunaði þó að konan byggi þar með líkamsleifum móður sinnar.

Líkið var fjarlægt úr íbúðinni og sent til rannsóknar. Dóttirin er á spítala en lögregla rannsakar málið.