Jennifer Aniston er sögð afar áhyggjufull því Justin Theroux sem hún er nýskilin við gæti opinberað einhver leyndarmál sem hún virðist eiga. Justin er sagður vera að „vara Jennifer við“ þegar kemur að því að ræða skilnaðinn „annars muni hann sjálfur ekki hika við að segja frá öllu sem gæti orðið mjög niðurlægjandi“ fyrir hana.

Talsmaður Justins neitar þessum sögnum en nafnlaus heimildarmaður segir í viðtali við Radar: „Það væri ekki hans stíll að gera það en hann þarf að eiga einhverja möguleika ef Jen ætlar að koma illa fram. Ef hann myndi fara í viðtal í tímariti eða sjónvarpi og segja frá öllu sem á gekk, myndi hann þurfa að segja líka frá því sem hann gerði.“

„Það er hræðilegt að búa með Jen og vinir Justins segja að það sé einungis sjónarspil að tala um hann sem vonda gæjann miðað við það sem hún gerði honum.“

Parið tilkynnti um skilnaðinn opinberlega núna í febrúar. Þau gengu í það heilaga í ágúst 2015.