Það er ekki kominn mánuður síðan Kylie Jenner fæddi dótturina Stormi og vinur hennar segir að hún sé „gersamlega útkeyrð.“ Til að bæta gráu ofan á svart er barnsfaðir hennar Travis Scott ekki til staðar fyrir hana í ferlinu: „Kylie veit ekki hvert hún á að snúa sér þar sem fjölskyldan hennar er svo upptekin og Travis virðist ekki hafa neinn áhuga á að vera faðir,“ segir þessi nafnlausi vinur í viðtali við Radar.
„Hún veit í raun ekkert hvað hún á að gera svo Stormi hætti að gráta þannig hennar besta lausn er að biðja barnfóstruna að sjá um hana.“
Eins og aðdáendur vita var meðgangan leyndarmál þar til stúlkan fæddist þann 1. febrúar síðastliðinn: „Kylie er ekki þessi góða móðir sem hún hélt að hún væri – með allt á hreinu – og fólk heldur að henni sé meira umhugað um að losna við meðgönguþyngdina en að hugsa um barnið. Hún raunverulega hatar að skipta um bleyjur og vera með ungabarn. Hún hefur nú þegar sagt vinum sínum að hún ætli aldrei að eignast barn aftur.“
Travis og Kylie hafa sést saman að undanförnu, þau fengu sér sameiginleg tattoo og tóku þessa mynd í leiðinni:
