Kim og Kanye eru nú að fagna þriðja barninu, Chicago, sem fæddist fyrir tilstuðlan staðgöngumóður. Kim hefur þó áhyggjur af hjónabandinu og reynir að krydda það eins og hún getur. Það nýjasta er að hún telur ekki að þörf sé á barnfóstrum sem geti freistað Kanye, og er það eflaust góð hugmynd þar sem mörg hjónabönd hafa farið út um þúfur vegna þess, til dæmis hjá Mel B og fyrrum eiginmanni hennar.

„Barnfóstrurnar sem Kim ræður til sín líta afar „heimilislega“ út. Það er af ástæðu sem hún vill hafa það þannig,“ segir ónafngreindur heimildarmaður í viðtali við Radar. „Hún ætlar ekki að gera sömu mistök og margar aðrar stjörnur.“

Kim vill ekki hafa einhverjar freistingar fyrir framan eiginmanninn, sérstaklega þar sem þau eru að vinna hörðum höndum að sambandinu: „Kim er samt bara ofboðslega döpur. Kanye er ekki að taka þátt í hjónabandinu eins og hún óskaði sér. Hún vill að hann sé meiri þátttakandi en hann er oft dögum saman í stúdíóinu og sinnir ekki skyldum sínum sem eiginmaður, tilfinningalega og andlega að hennar mati.“