Skilnaðurinn sem skók veröldina: Þegar Brad Pitt og Angelina Jolie skildu árið 2016 fann Brad ótrúlegan stuðning í fyrrverandi – engri annarri en Jennifer Aniston. Þrátt fyrir að eiga flókna sögu að baki fyrirgaf Jen Brad og eru þau nú nánari en nokkru sinni. Þegar Jen hitti fjögur börn Brads á heimili hans í Los Feliz varð umbreyting hjá henni.
Nafnlaus heimildarmaður segir í viðtali við In Touch: „Þetta byrjaði allt þegar Jen ætlaði að gefa Brad gjöf, bók um innanhússhönnun (sameiginlegt áhugamál Jen og Brad).
Þá gekk hún inn í húsið og hitti Zahara (13), Shiloh (11) og tvíburana Vivienne og Knox (9 ára). „Þetta var merkilegur dagur,“ segir vinurinn . „Krakkarnir þekktu Jen vegna Friends þáttanna en þau kipptu sér ekkert upp við það og komu fram við hana sem hvern annan.“
Börnin sögðu svo móður sinni frá þessu (Angelina Jolie) og brást hún reið við: „Auðvitað sögðu krakkarnir henni frá þessu, þessari „konu Jennifer“ og Angelina trompaðist. Hún sagði Brad að hún væri brjáluð. Sagði hún við vin sinn: „Brad hefur gengið of langt.“
Brad vill hinsvegar ekki eiga í neinum deilum við fyrrum eiginkonu sína. Þau eru að ljúka skilnaðinum og ákveða umgengni við börnin.
