Augnablikið þegar brúðurin gengur inn kirkjugólfið er eitt magnaðasta augnablik í öllum brúðkaupum. Þú sérð manneskju sem þú elskar og hjarta þitt ætti að fyllast af hamingju.

Ekki í þessu tilfelli samt. Sean sá brúðina í fyrsta skipti og náðist á myndband það sem hann sagði: „Oh, shit!“

Sean og Jo tóku þátt í áströlskum raunveruleikaþáttum sem kallast „Married at First Sight.“

Brúðkaupið hélt áfram og allir viðstaddir urðu þess varir að maðurinn hreinlega þoldi ekki konuna. Í þáttunum eru tveir einstaklingar paraðir saman og gifta sig í fyrsta sinn sem þeir hittast.

Bareigandinn Sean (39) var paraður við einhleypu móðurina Jo (39). Jo leit einstaklega vel út á giftingardaginn, í gullfallegum kjól. En hann var greinilega ekki ánægður með þessa pörun sérfræðinga þáttanna. Það sem gerði málið enn klúðurslegra var að Jo var ofboðslega hrifin af Sean. Hún sagði m.a.: „Ég er afar sátt, væntingar mínar stóðust og meira til.“

Síðan að þættirnir voru sýndir hefur Sean kennt gamalli ást sem illa fór um viðbrögð sín. Hann sagði að skilnaður sem átti sér stað fyrir 10 árum ætti sök á því hvernig hann brást við.

Áhorfendur voru virkilega hneykslaðir á framkomu Sean, eins og gefur að skilja.