Fjórar klámmyndaleikkonur hafa fundist látnar á síðustu þremur mánuðum. Sú fjórða er Olivia Nova og fjölskylda hennar og vinir eru í áfalli vegna skyndilegs fráfalls hennar: „Hún var frábær manneskja, við söknum hennar mikið. Við erum bara í áfalli og erum að reyna að púsla saman þessu öllu,“ segir Jennifer Severin, vinkona Oliviu.
Dánardómstjórinn hefur ekki gefið út upplýsingar hvað olli dauða hennar. Hin tvítuga leikkona var úrskurðuð látin á vettvangi í Las Vegas, Nevadaríki, þann 7. janúar síðastliðinn. „Það tekur oftast 6-8 vikur að komast að því hvað olli henni dauða.“
Hin dökkhærða fegurðardís var á samningin hjá LA Direct Models sem hafa gefið út yfirlýsingu vegna málsins og segjast engu nær um dauða hennar: „Olivia var bara búin að vera á skrá í stuttan tíma hjá okkur en við náðum að kynnast þessari fallegu stúlku sem var með indælan persónuleika,“ segja þeir.
Oliva hafði hafið feril sinn í fullorðismyndum snemma árs 2017. Á Twittersíðu hennar segir að hún þjáist af áráttu-þráhyggjuröskun, kvíða og hugsanlega hafi hún við ofdrykkjuvanda að stríða: „Ég elska vín, svo ekki reyna að hindra mig“ segir hún í ágripi um sjálfa sig á Twitter.
„Ef ég fæ þurrkublett á húðina sit ég bara og plokka í hann í heilan mánuð…það fer aldrei í burtu. Áráttu-þráhyggjuröskunin mín mun binda endi á feril minn #shootcancelled,” tvítaði Nova nýlega.
Hún sagðist einnig hafa eytt jólafríinu ein.
Eins og áður sagði er Olivi fjórða klámstjarnan til að falla frá á síðastliðnum þremur mánuðum. Hinar eru August Ames, 23, Yuri Luv, 31, og Shyla Stylez, 35.
