Það var ólga í lofti þegar fréttist að tilvonandi barnsfaðir Kylie Jenner hefði sést á strippklúbbi á dögunum án hennar. Atvikið þótti gefa til kynna að grunnt væri á því góða milli parsins, en það virðist nú hafa verið staðfest: „Hann getur ekki meira og er búinn að segja henni það,“ segja heimildarmenn Radar sem þekkja parið. Þrátt fyrir að von sé á barninu í febrúar (sennilega, óstaðfest) hefur hann ekki sýnt meðgöngunni mikinn áhuga.

„Hann safnaði loksins kjarki til að segja henni að hann gæti þetta ekki lengur. Hann elskar hana og mun verða til staðar fyrir barnið en þau eru ekki efni í par. Kylie vissi þetta innst inni en vildi ekki sjá þetta. Allir aðrir vissu þetta myndi ekki endast,“ segja sögusmetturnar.

„Hún er enn í afneitun að þetta sé búið, hún grátbiður hann að halda áfram. Þau höfðu ekki sést opinberlega saman í einhverja mánuði með undantekningu jólapartýs Kris Jenner þar sem þau virtust hamingjusöm.