Rapparinn Travis Scott hefur unnið sér helst til frægðar að vera kærasti Kylie Jenner sem nú gengur með barn hans. Sást hann staulast út af strippklúbbi á föstudagsmorgni 22. desember en Kylie var heima. Var hann með vinum sínum en æstur múgur kvenna fylgdi þeim út þar sem hann settist upp í Lamborghininn sinn og keyrði burt.

Hafa Travis og Kylie ekki sést opinberlega saman í nokkra mánuði eftir að fregnir af óléttunni spurðust út. Hefur Kylie alveg haldið sig frá sviðsljósinu á meðan hann hefur skemmt sér með vinum sínum. Fyrr í mánuðinum sagði ónefndur heimildarmaður í viðtali við Radar að Kylie væri alveg miður sín af því hann hefði lítinn áhuga á meðgöngunni. Væri hún því „algerlega manísk“ yfir því og væri að velta fyrir sér hvort hún hefði gert mikil mistök.

Hefur hún reynt hvað hún getur til að færa þau nær saman, jafnvel boðist til að kaupa hús við hliðina á hennar, en hann afþakkaði það. Vonandi tekur hann við sér og þau færi hamingjusamt og heilbrigt barn í heiminn!