Það er mikið um dýrðir í Buckinghamhöll þessa helgina en Elísabet Bretadrottning og Filippus prins, hertogi af Edinborg, hafa verið að undirbúa 70 ára brúðkaupsafmæli sitt sem fram fer á morgun. Kallast 70 ára brúðkaupsafmæli platínubrúðkaup og munu þau snæða með fjölskyldu og vinum í Windsor kastalanum af því tilefni.

Eru þau fyrsta konunglega parið til að fagna 70 ára brúðkaupsafmælinu og verður bjöllunum í Westminster Abbey hringt af því tilefni en þau gengu í það heilaga þar árið 1947.

Meðfylgjandi mynd sem tekin var af ljósmyndaranum Matt Holyoak, er tekin af þessu tilefni. Drottningin er í kremuðum kjól Angelu Kelly, en hún er sérstök aðstoðarkona drottningarinnar og kjólahönnuður og hefur verið það frá árinu 2002.