Solaris: Hjálparsamtök fyrir hælisleitendur og flóttafólk á Íslandi segja: Kæru landsmenn. Nú er farið að kólna og ljóst er að flóttafólk sem er hér á landi vantar hlýjan fatnað fyrir veturinn. Það á við um börn sem og fullorðna. Solaris er þegar farið að berast beiðnir um aðstoð þar sem vetrarfatnaður er af skornum skammti á þeim stöðum sem flóttafólk getur leitað á. Því ætlum við, rétt eins og síðasta vetur, að setja af stað söfnun á vetrarfatnaði fyrir flóttafólk og hælisleitendur á Íslandi og óskum eftir ykkar aðstoð.

Ef einhverjir eiga vetrarfatnað á börn og/eða fullorðna sem þeir eru hættir að nota en er í lagi með þá eru einstaklingar sem myndu þiggja fatnaðinn með miklum þökkum. Solaris mun standa fyrir söfnun á fatnaði til laugardagsins 11. nóvember n.k. Hægt er að koma með fatnað að Álfhólsvegi 145, Kópavogi, vinstra megin á húsinu. Á lóðinni er rauður skúr sem hægt er að skilja fatnaðinn eftir í ef enginn er við. Solaris mun síðan koma fatnaðinum í hendur þeirra sem þurfa nauðsynlega á honum að halda.