Foreldrar drengs í fyrsta bekk urðu þess áskynja að drengurinn var óhamingjusamur í skólanum. Þegar þau gengu á hann sagðist hann ekki vilja fara í skólann því krakkarnir væru að segja ljóta hluti um eyrun á honum. Í viðtali við Inside Edition sagði Gage Berger: „Ég lít út eins og álfur og ég er með skrýtin eyru.“ Foreldrar hans Tim og Kallie óttuðust að eineltið myndi verða verra og ónefni myndu festast við hann og hann myndi ekki bíða þess bætur. Pöntuðu þau því tíma fyrir hann í lýtaaðgerð.