Vinir og fjölskylda „Kimye“ segja að parið sé afar vansælt en þau eiga von á þriðja barninu sem staðgöngumóðir gengur með. Ekki er búist við því að þau hangi saman lengi eftir það, en von er á barninu í desember. Sást parið á leið út að borða og voru þau ekki beinlínis hamingjan uppmáluð.
Var þetta í fyrsta sinn opinberlega í tvo mánuði sem þau sáust saman og lítið var um bros. Kim er búin að vera á New York Fashion Week á meðan Kanye var heima í Los Angeles. „Kanye líður ömurlega að vera ekki að sýna fatnaðinn sinn á NYFW og talaði Kim hann af því.
Kennir hann því henni um og er þreyttur á að hlaupa eftir öllu sem hún segir,“ segir sameiginlegur vinur þeirra í viðtali við Radar. „Kanye er ekki með nein járn í eldinum þessa dagana og er einhvernveginn hangandi í henni og það gerir hann þreyttan og leiðan.“
„Kim eyðilagði allt fyrir Kanye sem er í miklum fjárhagskröggum meðan hún er að gera það gott í snyrtivörubransanum,“ segir hann ennfremur. „Sennilega er þetta ekki besti tíminn fyrir þau að eignast þriðja barnið.“
Þó Kanye kenni Kim um ófarir sínar getur hann líka sjálfum sér um kennt: Þegar Kim var rænd í París var hann heima á maríjúana í fljótandi formi, valíumi, ecstasy og sterkum verkjalyfjum. Eftir mánuð var hann svo lagður inn á spítala eins og frægt er orðið.
