Vandamálin hrannast upp hjá kærustuparinu og söngparinu Selena Gomez og The Weeknd! Parið hefur verið að hittast í átta mánuði og allt virtist vera að ganga vel, en ónefndur heimildarmaður segir að Selena sé að eiga við leiðindafarangur úr fyrri samböndum og það hjálpar einnig alls ekki til að þau eru að ferðast mikið í sitthvoru lagi.
Selena er að kynna nýjasta lag sitt „Fetish“ og er að vinna í nýrri plötu. The Weeknd (Abel Tesfaye) er að túra með verkefnið sitt Starboy: Legend of the Fall tour, sem mun halda honum uppteknum út árið. „Þessi fjarlægð er ekki að vinna með þeim, hún á við erfiðleikum með að treysta og þolir ekki að vera í burtu frá honum,“ segir hann.
Abel missti af 25 ára afmæli Selenu vegna þessa en hann spilaði á Lollapalooza í París. Hann reyndi að bæta henni það upp með því að taka hana út í LA en það leit ekki út fyrir að þau væru að skemmta sér. Afbrýðisemi Selenu er henni fjötur um fót og hefur oft orðið tilefni rifrilda milli þeirra: „Þegar Abel fær sms eða símtal tékkar Sel að því hver það er: „Það er að gera hann brjálaðan. Þau eru á hálum ís þessa dagana.“
Þegar Selena var með Justin Bieber varð hún svona afbrýðisöm: „Hún varð önnur manneskja með honum. Hún var stöðugt hrædd um hann og drakk og reykti, svo fór hún í kannabisið og að djamma mikið,“ segir þessi góði vinur.
