Eins og flestir vita er spjallþáttastjórnandinn Ellen ein sú vinsælasta í heimi eftir að Oprah hætti. Í nýlegu viðtali við US Today spurði þáttastjórnandinn Matt Lauer hana, þar sem hún segir oftast hug sinn og dregur ekkert undan, um viðhorf hennar til Donalds Trump. Hann spurði: „Þú ert mjög samfélagslega meðvituð. Hvernig er samband þitt við Donald Trump? Þekkirðu hann eitthvað? Hefurðu haft tækifæri til að taka viðtal við hann eða tala við hann?“

Ellen svaraði: „Ég þekki hann ekki, ég meina ég þekkti hann í Celebrity Apprentice því í fyrstu seríunni eða annarri fórum við og bjuggum til eitthvað myndefni með honum.“

Einnig sagði hún: „Ég hef ekki talað við hann síðan hann varð forseti.“ Þegar hún var spurð hvort hún myndi einhverntíma fá hann í þáttinn sagði hún þvert NEI. Matt spurði hana: „Af hverju ekki? Væri það ekki upplagt að einhver eins og þú myndi fá forseta Bandaríkjanna í heimsókn?“

Ellen svaraði: „Nei. Því ég á aldrei eftir að láta hann skipta um skoðun, hann er á móti öllu því sem ég stend fyrir. Þú þarft að horfa á einhvern sem lítur öðruvísi út en þú og trúir ekki á það sama og þú og samt að samþykkja hann og leyfa honum að fá öll þessi réttindi.“