Leikkonan Angelina Jolie er að tefja allt ferli á framleiðslu endurgerðar myndarinnar Bride of Frankenstein og segir gula pressan að ástæðan sé sú að hún sé að reyna að pirra andstæðing sinn, leikkonuna Charlize Theron.

Í síðasta mánuði tilkynnti Universal Pictures Dark Universe, en þar mun vera um að ræða endurgerðar kvikmyndir byggðar á Marvel teiknimyndum/raunveruleikanum, s.s. The Mummy með Tom Cruise og einnig verður ráðist í The Invisible Man með Johnny Depp, Dr. Jekyll með Russell Crowe og Frankenstein’s Monster með Javier Bardem.

Angie sækist eftir hlutverki í Bride of Frankenstein ásamt Charlize sem er í „öðru sæti.“ Svo virðist sem Angie sé bara að láta ganga á eftir sér, vill ekki staðfesta að hún taki hlutverkið að sér og vill endilega að Charlize bíði meðan hún ákveði sig. Svolítið eins og í þriðja bekk!

„Angie hefur ekki skrifað undir samning við Universal en tilboðið er enn á borðinu. Hún þyrfti á þessum 20 milljón dollara tékka að halda,“ segir nafnlaus heimildarmaður í viðtali við Radar. „Svo virðist sem henni finnist gaman að nudda því framan í Charlize sem langar að leika í þessari mynd og er hún þess fullviss að Angie hafi eingöngu boðið sig fram til að taka það af henni.“

Þetta er ekki í fyrsta skipti sem þær stöllur bítast um sama hlutverkið. Þegar Jolie hafnaði hlutverki í endurgerð Murder on the Orient Express, fékk Charlize hlutverkið: „Hatur þeirra á hvort annarri byrjaði fyrir löngu og er ekkert að fara að hætta. Það er eins og leikstjórar fái eitthvað út úr því að etja þeim saman, með því að gefa þeim báðum handrit og leyfa þeim að slást.“