Það er svo sannarlega aldrei nein lognmolla í kringum söngkonuna Taylor Swift og ástarlíf hennar! Breski leikarinn Joe Alwyn er nú orðaður við söngkonuna fögru og orðrómur þess efnis hefur verið á sveimi í margar vikur.

Nú hafa þó sögusagnirnar fengið byr undir báða vængi þar sem náðst hafa myndir af þeim tveimur saman. Gæti þetta verið sönn ást?!

Ljósmyndarar náðu myndum af Swift (27) og Alwyn (26) á leið í einkaþotu frá Bretlandi á þriðjudag. Mikil öryggisgæsla var á svæðinu og reyndi Taylor að fela sig undir svörtum jakka með hettu. Alwyn var einnig í hettupeysu þannig greinilegt var að þau vildu ekki athygli papparazzanna.

Pari hefur hingað til ekki viljað tjá sig né nokkuð annað um sambandið.