Þvílíkur lúði! Scott Disick og Kourtney Kardashian eru hætt saman með látum, eins og þeir sem fylgjast með gulu pressunni vita vel. Scott hittir hverja fyrirsætuna á fætur annarri, en hefur lítinn áhuga á að barnsmóðir hans geri slíkt hið sama. Kourtney er nú að hitta fyrirsætuna Younes Bendjuma og Scott að tryllast úr afbrýðisemi.

„Scott er að reyna allt til að eyðileggja nýja sambandið,“ segir nafnlaus heimildarmaður. „Hann birtist allsstaðar þar sem þau eru og hefur verið að spyrjast fyrir um Younes og vonast til að finna einhvern skít um hann svo Kourt hætti með honum.“ Scott tók líka kast á Kourtney vegna Younes og öskraði á hana að Younes væri ekki rétti maðurinn fyrir hana.

Kourtney gerir að sjálfsögðu það sem henni sýnist og virðist ekki vera á þeim buxunum að hætta að hitta þessa fjallmyndarlegu 24 ára fyrirsætu. Í nýlegum þætti af KUWTK, lýsti hún því yfir að hún væri dauðþreytt á lifnaðarháttum Scott en hann reyndi að smygla fyrirsætu inn í hótelherbergið sitt þegar hann var í fríi með fjölskyldunni.

Scott er sjálfur að hitta 21 árs fyrirsætu, Ellu Ross, sem er afar lík fyrirsætunni Chrissy Teigen en hún er mikil vinkona Kardashian klansins. „Hann bara þolir ekki að sjá Kourtney hamingjusama með öðrum manni,“ segir þessi heimildarmaður í viðtali við Life&Style.