Hún svaraði samt fyrir sig á frábæran hátt! Kerry Whittaker skrifaði færslu á Facebook eftir að hafa orðið fyrir áreiti í vinnunni vegna þess hvernig hún kýs að farða sig. Hún vinnur sem kassadama hjá stórmarkaðnum Asda þegar hún heyrði í konu ásamt dóttur sinni hlæja að andlitinu hennar. Kerry var ekki að áreita þær á neinn hátt og spurði einfaldlega: Af hverju eru konur svona andstyggilegar?
Kerry sagði:
Þær voru flissandi og sögðu hvor við aðra: „Hefurðu séð ástandið á þessari? Hver mætir í vinnuna svona útlítandi? Hver heldur hún eiginlega að hún sé?“
Kerry, sem elskar förðun og að farða sig, birtir afraksturinn á Instagram og sýnir hvernig hún mætir í vinnuna – og öll förðunin er þematengd. Hún er óhrædd við að prófa liti, glimmer og fleira og er hún greinilega afar fær með burstann!
Hún segir svo: „Það er svo sorglegt í heimi sem annars er svo jákvæður gagnvart ýmsu að enn sé fólk svo ósmekklegt að gera grín að einhverjum í vinnunni, bara útlitsins vegna.“
Svo svaraði hún á þrjá vegu: „Í fyrsta lagi: Af hverju finnst þér þetta í lagi? Er ég að meiða einhvern? Myndirðu segja þetta við stúlku sem hefði alvarlegt húðvandamál? Ég held ekki.
„Í öðru lagi – af hverju ert þú [mamman] að sýna dóttur þinni svo slæmt fordæmi með því að hlæja með henni? Þú ættir að fagna konum í stað þess að rífa þær niður. Í samfélaginu sem við búum í er það síðasta sem við þurfum fólk sem dæmir annað fólk eftir útlitinu.“
Svo það besta: „Í þriðja lagi, þegar þú getur sett á þig svo sjúklegan eyeliner eins og ég láttu mig vita!“
