Kourtney Kardashian er nú loksins laus við barnsföður sinn, Scott Disick, en hann fór virkilega illa með hana eins og oft vill gerast þegar fólk er haldið kynlífsfíkn. Kourtney er búin að vera að hitta fyrrum boxarann Younes Bendjima þó nokkuð undanfarið: „Younes og Kourtney hafa verið að hittast. Þau hittust nokkrum sinnum í síðustu viku. Þau eru ekkert að flýta sér heldur taka því rólega, kynnast og skemmta sér,“ segir nafnlaus heimildarmaður í viðtali hjá E!

Hittust þau fyrst á tískuvikunni í París í október síðastliðnum. Þetta örlagaríka kvöld, þegar Kim var rænd, voru þau saman. „Hann hefur verið mjög mikill stuðningur fyrir Kourtney,“ heldur hann áfram og segir að þau hafi verið að hittast síðan þá. Kourtney er mjög hrifin af honum og reynir að hitta hann þegar hún er ekki með börnin: „Þau borðuðu saman á veitingastaðnum Zinque í vestur-Hollywood á miðvikudag og skoðuðu síðan listasafn í framhaldi. Þau leiddust og leið greinilega ágætlega saman.“

Barnsfaðir Kourtneyar, Scott Disick, er ekki par hrifinn af nýja kærastanum. „Scott vill ekki að þau séu að hittast. Hann vill ekki sjá myndir af þeim eða vita neitt af sambandinu. Kourtney hefur verið að vara hann við, segja honum að hann gæti séð myndir af þeim saman en Scott á mjög erfitt með að sætta sig við hana með einhverjum öðrum, sérstaklega Younes.“

Hlýtur það að teljast úr hörðustu átt þar sem Scott hefur nýtt hvert einasta tækifæri að halda framhjá Kourtney þegar þau voru saman.