Playboykóngurinn Hugh Hefner er nú orðinn hvorki meira né minna en 91 árs gamall. Hefur hann haldið því leyndu að hann er haldinn banvænu krabbameini og á aðeins um þrjár vikur ólífaðar, segir í frétt frá National Enquirer. Vill Hefner verða grafinn við hlið gyðjunnar Marylin Monroe, samkvæmt fréttinni.

„Heilsu hans hnignar ört. Hann hefur enga matarlyst sem segir að endinn er nálægt,“ segir nafnlaus heimildarmaður tengdur Hefner: „Læknarnir segja að þetta sé einungis spurning um tíma. Þeir segja að það sé kraftaverki líkast ef hann nær meira en þremur vikum.“ Hugh er sagður meðvitaður um ástandið og fjölskylda og vinir séu að gera nauðsynlegar ráðstafanir á meðan Cooper, sonur hans er að taka við Playboysetrinu.

Bróðir Hughs, Keith, lést í apríl á þessu ári, 87 ára á aldri. Hefur það haft mikil áhrif á hann: „Hann hefur ekki jafnað sig en Keith dó daginn fyrir afmælið hans. Hann er búinn að kaupa sér grafhýsi við hliðina á Marilyn Monrone í Westwood Village Memorial Park. „Hann er afar stoltur maður sem hefur eytt ævinni í að auglýsa kynhvöt karlmanna. Hann vill frekar að sín verði minnst sem fola með milljón kærustur en nokkuð annað.“

Hefner hefur ekki gefið út neina opinberlega yfirlýsingu.