Þeir sem fylgjast með gulu pressunni vita að Caitlyn Jenner vakti mikla athygli með nýrri bók sinni sem innihélt mörg leyndarmál, The Secrets of My Life, og var hennar fyrrverandi, móðir Kardashian klansins, Kris Jenner allt annað en ánægð. Reyndar segir sagan að Kris sé hreinlega alveg brjáluð vegna þess hvernig henni er lýst í bókinni og er nú að vinna í að gefa út sína eigin bók sem mun segja allt sem Caitlyn sagði ekki.

Nafnlaus heimildarmaður segir í viðtali við Life&Style: „Kris hefur verið að vinna að sjálfævisögu síðastliðinn áraug en er nú að setja allt á fullt vegna hryllilegrar umræðu um hana í fjölmiðlum. Kris getur verið óvægin þegar hún þarf, og hún ætlar að vera alveg jafn rætin og Caitlyn – jafnvel enn rætnari.“

Kris talar um bókina í þætti KUWTK- Keeping Up with the Kardashians: „Ekkert af þessu gengur upp. Allt sem hún segir er tilbúningur. Af hverju þarf allt að vera Kris er svo mikil tík og [a–hole]?“

Kris er því afar ákveðin í að sigra Caitlyn svo að segja með því að skrifa enn safaríkari endurminningar. Vill hún segja frá öllum leyndarmálum hjónabandsins: „Hún vill nefna alltaf þær konur og menn sem Caitlyn átti samneyti við. Þetta mun koma lesendum í opna skjöldu…hún ætlar að gera hvað sem er til að selja fleiri bækur en Caitlyn.“