Hún er einungis 15 ára gömul en er orðin heimsfræg á samfélagsmiðlum eftir að hafa undirgengist fjölda lýtaaðgerða og lítur hún nú út eins og postulínsdúkka. Lee Hee Danae er frá Kína og á Weibo (kínverska „Facebook“) vita allir hver hún er. Þúsundir skrifa athugasemdir við myndirnar hennar, allt frá því að hún sé „of falleg til að horfa á“ til spurninga um hvort myndirnar hafi verið fótósjoppaðar.

Lee Hee fór í aðgerðirnar, samkvæmt kínverskum miðlum, til að ná aftur í kærastann sinn. Lýtaaðgerðir færast stöðugt í aukana í Kína, sérstaklega auglokaaðgerðir og nefaðgerðir. Fleiri og fleiri konur fara einnig í endursköpun andlitsfalls en hjartalaga þykir eftirsóknarverðast. Þá er bein skafið af kjálka, kinn og kinnbeinum.