Spjallþáttastjórnandinn vinsæli Ellen DeGeneres og eiginkona hennar, leikkonan Portia De Rossi, eru sagðar íhuga skilnað eftir atburðarrás síðustu vikna. Samkvæmt gulu pressunni hefur nú önnur kona komið upp á milli þeirra og er það engin önnur en leikkonan Drew Barrymore!
Drew er tveggja barna móðir og 42 ára gömul og hafa hún og Ellen orðið mjög nánar eftir að Drew fór að stýra þættinum First Dates sem Ellen framleiðir og Drew er í forsvari fyrir. Portiu finnst hún vera skilin eftir úti í kuldanum.
Til að bæta gráu ofan á svart átti Drew í ástarsambandi við mótleikkonu sína í Whip It, Ellen Page, sem hefur nýlega játað að vera tvíkynhneigð og sagði: „Líkar mér konur kynferðislega? Já, algerlega. Mér finnst tvær konur saman mjög fallegar.“
Nafnlaus heimildarmaður sagði í viðtal við Enquirer: „Portiu er ógnað vegna sambandi Ellenar við Drew. Tilfinningatengsl þeirra eru augljós og Portiu finnst hún útundan.“
Drew er nú skilin við eiginmann sinn og er reglulega í þætti Ellenar: „Þær hafa sama kjánalega húmorinn og hlæja stanslaust að bröndurum hvor annarrar. Portia er mun alvarlegri og það er eins og hinar tvær hafi eigið tungumál sem hún kann ekki.“
Þessar fréttir koma í kjölfar erfiðleika í sambandi þeirra Ellenar og Portiu. Átta ára hjónaband er sagt hanga á bláþræði. Í marsmánuði á þessu ári sást Portia kaupa vistir fyrir íbúð sem hún á ein og eignaðist hún hana eftir versta rifrildi við Ellen hingað til: „Portia pakkaði saman og fór í íbúðina sem hún keypti í Beverly Hills fyrir mörgum mánuðum. Hún er búin að vera þar og neitað að snúa aftur á heimili þeirra í Montecito. Ástandið er orðið svo slæmt að þær tala ekki saman, ekki einu sinni þegar þær eru saman.“
