Mel B sem áður átti vingott við Fjölnir okkar Þorgeirsson, hefur nú fengið nálgunarbann gegn fyrrverandi eiginmanni sínum, Stephen Belafonte. Ásakar hún hann um að beita hana ofbeldi og að hann hafi þröngvað henni að stunda kynlíf með öðrum konum. Fyrrum Spice Girls meðlimurinn hefur lagt fram gögn í rétti í Los Angeles þess efnis að Stephen hafi beitt hana ýmsu ofbeldi.

Í meðfylgjandi myndbandi sést hann sverja af sér þær sakir (því hver viðurkennir ofbeldi bara sísvona?) og segir að hún sé að láta hann líta út fyrir að vera „vondan mann,“ þegar blaðamaður frá TMZ spyr hann.

Mel lagði fram ásakanir þess efnis að hann hefði ýtt henni í gólfið og reynt að kyrkja hana þegar úrslitaþáttur Dancing With The Stars átti sér stað í nóvember 2007. Sprengdi hann vör hennar þegar hún var að mynda innslag með söngvaranum Usher í X Factor árið 2012. Stephen, sem er kvikmyndaframleiðandi, hefur fengið á sig ákæru vegna ofbeldis af hans hendi oftar en einu sinni. Þann 22. júlí 2012 trylltist hann og barði þegar hún var að taka upp þætti fyrir X Factor Australia.

Varð hann tryllingslega afbrýðisamur út í Usher en þau voru að sýna atriði saman: „Hann sagði að ég hefði verið að daðra við Usher allan daginn. Hann varð afbrýðisamur án þess ég viti af hverju. Ég spurði hann hvernig ég ætti að koma fram í þættinum með bólgna vör og þá svaraði hann að ég hefði átt að hugsa út í það áður en ég daðraði við f***** Usher.“

Þegar sjónvarpsstöðin TMZ náði Stephan spurðu þeir um atriðið með Usher og hann svaraði: „Usher er ekki í X Factor, hvernig er það mögulegt?“

Mel segir einnig að eiginmaðurinn hafi heimtað að hún stundaði kynlíf með öðrum konum. Hafði hann myndað kynlíf þeirra og notað það í hótanir: „Ég mun birta þessi myndbönd.“ Ég tók þátt í kynlífsathöfnum með k0num þar sem hann hótaði að fara og láta gulu pressuna hafa myndböndin ef ég spilaði ekki með.“