Ein þekkt aðferð án lyfja til að létta á maga- og meltingarvandamálum er kínversk heilunarmeðferð sem notuð hefur verið öldum saman. Snýst hún um þrýstipunkta sem virka svipað og nálastungumeðferð. Þannig getur þú heilað líkamann sem ekki einungis er lyfjalaus heldur framleiðir vellíðunartilfinningu og bætir heilsuna.

Þú ýtir á þessa punkta á líkamanum til að hreinsa ristilinn og laga ýmis konar vandamál sem tengd eru meltingunni.

Allir punktarnir eru tengdir ýmsum hlutum í líkamanum – innyflunum og með því að ýta á þá getur þú lagað magaverki, brjóstsviða og meltingartruflanir.

Punktur A

Þetta er miðja líkamans. Staðsetningin er milli brjóstbeins og nafla. Ef þú ýtir á þennan punkt getur það hjálpað til við að lina verki í maga, hægðatregðu, meltingartruflanir, brjóstsviða, æsing, kvíða og ergelsi. Farðu þó varlega. Ef þú þjáist af hjartavandamálum, krabbameini eða háum blóðþrýstingu ættirðu ekki að ýta of fast. Ekki ýta á punktinn lengur en í tvær mínútur og aldrei á tóman maga.

Punktur B

Þessi punktur er staðsettur u.þ.b. tveimur fingurbreiddum frá nafla. Að nudda hann getur hjálpað til við að lina magaverki og verki í neðra baki, hægðatregðu, vindverki og meltingartruflanir. Notaðu fingurgómana eða lófana til að ýta. Ýttu á punktinn í mínútu meðan þú andar djúpt og rólega.

Punktur C

Þessi punktur er staðsettur u.þ.b. fjórum fingrum fyrir neðan hnéskel, einum fingri frá sköflungi. Til að finna rétta staðinn þarftu að hreyfa fótinn upp og niður og þú ættir að finna vöðvann starfa. Að ýta á þennan punkt getur hjálpað til að laga magakveisu, meltingartruflanir og þreytu/streitu.

Punktar D og E

Punkt D er að finna í neðra baki, tveimur fingurlengdum frá hryggnum frá mitt. E er staðsettur í fjögurra fingra fjarlægð frá hryggnum að mitti. Ýttu á þessa tvo punkta til að létta á meltingartruflunum og magaverkjum. Ekki nota þessa aðferð ef þú ert með brjósklos eða hefur verið að eiga við beinbrot eða tognanir, eða veikt bak. Ýttu mjúklega á þessa punkta, ekki fast.

Punktur F

Þennan punkt finnur þú í þumlungs fjarlægð frá hælnum. Ýttu á hann til að lina verki við tíðaverkjum, niðurgangi, magaverkjum og meira að segja miklum kvíða.

Punktur G

Þú finnur þennan punkt á miðjum innri úlnlið. Ýttu á hann til að lina verki vegna ógleði, kvíða eða meltingartruflana. Ýttu í eina mínútu meðan þú andar djúpt. Notaðu þumalinn til að fá betri þrýsting.