Sorglegt, ekki satt? Angelina Jolie og Brad Pitt skildu í september síðastliðnum, það ætti ekki að hafa farið framhjá neinum. Þau voru saman í 12 ár. Angelina sótti um skilnaðinn og sagði að þau gætu engan veginn náð sáttum. Í kjölfarið fór Angie úr sviðsljósinu eins og hún gat og reyndi parið fyrrverandi að vinna úr sínum málum með lögfræðingum.
Í vikunni ákvað leikkonan hinsvegar að opna sig aðeins í kjölfar frumsýningar nýju myndar sinnar, First They Killed My Father.
Tók Angelina þátt í viðtali með Yalda Hakin á BBC World News:
„Ég vil ekki segja neitt mikið um það, nema hvað þetta hefur verið afskaplega erfiður tími og við erum fjölskylda, við verðum alltaf fjölskylda og við komumst í gegnum þetta og vonandi verða sterkari fjölskylda fyrir vikið.“
Hún hélt áfram: „Margt, margt fólk hefur lent í þessari stöðu. Ég kýs að einblína á börnin mín, börnin okkar og reyna að finna útkomuleið. Við erum og alltaf verðum fjölskylda og þannig kemst ég af; Ég kemst af með því að finna leiðir til að þetta verði til að styrkja okkur og gera okkur nánari.“
Öll skilnaðargögn munu aldrei koma fyrir augu almennings til að vernda börnin þeirra. Brad Pitt tjáði sig umskilnaðinn í fyrra og sagði að hann væri afar leiður yfir þessu öllu en það sem máli skipti væru börnin. Einnig bað hann fjölmiðla að gefa þeim rými til að meðtaka allar upplýsingar.
