Khloé Kardashian og kærastinn Tristan Thompson eru í óða önn að skipuleggja brúðkaupið sitt sem mun fara fram í haust. Stóri dagurinn verður sennilega æðislegur…enda ekki leiðinlegt að gifta sig þegar maður getur eytt tveimur milljónum dollara í brúðkaupið!

Tristan á litinn dreng, Prince, sem mun taka þátt í athöfninni, samkvæmt óskum Khloé. Hún hefur einnig beðið allar systurnar að vera brúðarmeyjar, þær Kim, Kourtney, Kylie og Kendall og einnig bestu vinkonu sína Malika Haqq. Frænkurnar North West og Penelope Disick munu bera blómin og synir Kourtneyar, þeir Mason og Reign verða hringaberar. 

E! sjónvarpsstöðin mun mynda herlegheitin: „Kris Jenner fékk dollaramerki í augun þegar Khloé sagði henni fréttirnar. Hún vakti alla nóttina að undirbúa skipulag og hugmyndir að sérstökum þætti,“ segir vinur parsins.

Khloé hefur verið afar ötul við að dásama 25 ára kærastann sinn, en hún er 32 ára: „Þetta er virkilega ánægjulegt, ég er á mjög góðum stað. Ég er mjög örugg að vera í jákvæðu og heilbrigðu sambandi.“