Selena Gomez er farin aftur að drekka eftir að hafa farið í nokkrar meðferðir og vilja aðdáendur kenna nýja kærastanum, The Weeknd um. Söngvarinn hefur oft játað að hann noti eiturlyf en Selena segist bara drekka og eigi ekki í vandræðum með það.

„Vinir og fjölskylda Selenu hafa miklar áhyggjur en hún hefur sagt þeim að skipta sér ekki af henni og leyfa henni að lifa lífinu eins og hún vill,“ segir vinur Selenu í viðtali. Selena og nýi kæró hafa ferðast um heiminn og djammað mikið að undanförnu.

„Hún raunverulega heldur að allir séu afbrýðisamir út í nýja sambandið og skilur ekki af hverju fólk getur ekki bara samglaðst henni.“

Í vikunni sást Selena á vinsælum bar í L.A. Barney’s Beanery. „Hún er augljóslega farin að drekka aftur og segir við fólk að hún hafi ekki átt í vandræðum með hana, það hafi bara verið uppáskrifuð lyf sem voru hennar vandamál.“

Selena hefur alltaf neitað fyrir að hafa átt í vandræðum, hefur bara sagt að hún hafi átt við kvíða og vefjagigt að stríða.

Núna segir vinurinn: „Við erum öll afar hrædd um hana núna. Selena býr í ímynduðum heimi núna og við óttumst öll um að þetta endi ekki vel.“