Gunnar Örn Heiðdal gaf leyfi til að birta þessa stórskemmtilegu færslu sem hann deildi á Facebook:

Góða kvöldið,
Mig langaði til að segja ykkur frá geggjuðu húsráði sem ég var að átta mig á í dag. Verandi piparsveinn og þvottaletingi þá á ég til með að þrífa nærbuxur og sokka einungis þegar ég er kominn á seinasta par. Nema hvað að í dag þá misreiknaði ég mig aðeins og var kominn úr sturtu með enga hreina sokka eða nærbuxur, Allt var nýþvegið og blautt í þvottavélinni. Hvað gera bændur þá ? Ég fór í þvottavélina, náði í röku sokkanna og nærbuxurnar og setti þær í – örbylgjuofninn. Ég skellti sokkaparinu á 2 mínútur og síðar einnig nærbuxunum. Út kom þetta þurrt og hlýtt! Mega kosý að fara í þetta.