Orðrómur gengur nú fjöllum hærra að leikararnir Brad Pitt og Kate Hudson hafi nú tekið saman. Brad, eins og kunnugt er, skildi við Angelinu Jolie á haustmánuðum 2016. Telur gula pressan þau hafa greinilegan áhuga hvort á öðru og sumir hafa gengið svo langt að segja að þau hafi flutt inn saman nú þegar! Í ástralska Woman´s Day er að finna viðtal þar sem sagt er að Brad og Kate hafi hist á laun og þau séu afar ástfangin.
Kate er „dularfulla konan“ hans Brad. Þau hafa orðið afar náin á síðustu vikum og hafa hist leynilega nokkrum sinnum. Sögusagnir í Hollywood segja að Kate sé afar góð í rúminu, en Brad á að vera það einnig. Svo – þau eru tvær stjörnur sem laðast að hvort öðru og þau greinilega njóta þess að vera í samskiptum.
Þrátt fyrir misvísandi sögusagnir milli Kate og Brad eru ekki neinar haldbærar upplýsingar – enginn hefur gefið út yfirlýsingu eða neitt þvíumlíkt. Enginn vill staðfesta né hafna sögunni. The Express tók viðtal við móður Kate Hudson, hina 71 árs Goldie Hawn. Hún var spurð hvort hún væri ekki „í skýjunum yfir að Kate væri að hitta Brad“ og samkvæmt blaðinu flissaði hún þá og klappaði saman höndunum án þess að segja orð. Blaðamaðurinn reyndi aðra aðferð til að reyna að fá upplýsingar frá Goldie og sagði við hana hversu vel hún liti út miðaða við aldur og hver væri galdurinn á bakvið að eldast ekki – en allt kom fyrir ekki – Goldie neitaði að gefa upp nokkuð (hvorki um hvernig hún færi að því að líta svona unglega út eða um ástarsambönd dóttur hennar).
Brad virðist vera á réttri leið eftir skilnaðinn og má því vera ljóst að aðdáendur hans vilja svo sannarlega að hann fari í hamingjusamt samband á ný.
