Fadi Fawas, kærasti söngvarans sáluga, George Michael segir að söngvarinn hafi ítrekað reynt sjálfvíg en hafi tekist það á endanum. Michael fannst látinn á jóladag á heimili sínu, Goring-on-Thames, Oxfordskíri í Bretlandi. Fadi fann George í rúminu en þeir höfðu ætlað að snæða hádegisverð saman ásamt öðrum á jóladag.
Setti Fadi á Twitter röð skilaboða í morgun: „Veit ekki hver var þessi vondi vinur George en ég var í sambandi með honum þar til ég fann hann örendan í rúminu.“
„Það eina sem George vildi var að DEYJA. Hann reyndi margsinnis að taka sitt eigið líf…“
„Og tókst það að lokum…“
„Við elskuðum hvorn annan og vorum saman næstum 24 tíma á dag…“
Virðist vera sem Twitterreikningi hans hafi síðan verið eytt.
Hafði hann einnig skrifað síðustu skilaboð ársins áður en það gerðist: Gylltur glimmerfingur sem sagði: „Ég hata þig 2016 af öllu hjarta. X“
Lögreglan hefur verið að yfirheyra hann og fleiri vegna rannsóknar á dauða Michaels. Vinur Fadi og George sagði í viðtali við Daily Star: „Okkur hefur verið sagt að lögreglan hafi verið að ræða við Fadi í vikunni. Þeir hafa gefið honum nokkra daga til að syrgja en þeir vilja vita hvort eiturlyf hafi átt þátt í dauða hans. Þeir vilja vita þetta meðan það er enn í fersku minni Fadis. Það eru sterkar grunsemdir um eiturlyf svo þeir vilja vita hver hafi verið að útvega honum þau.“
