Jólin nálgast óðfluga…kannski einum of fljótt að margra mati. Við vitum öll að jólastressinu fylgir að verða æ uppteknari eftir því sem líður á mánuðinn. Við reynum að hitta ættingja og vini af fremsta megni, skreyta, baka, elda og svo framvegis.

Að eiga viðhald er virkilega tímafrekt líka og desember er engin undantekning. Samkvæmt rannsóknum er föstudagurinn 18. nóvember líklegastur til að makinn hitti viðhaldið sitt. Á þessum degi er 30% aukning á stefnumótasíðum sem bjóða upp á framhjáhald, svo sem eins og síðunni IllicitEncounters.com – meiri heldur en alla aðra daga í nóvember og desember.

Í könnun sem 300 meðlimir tóku sögðu 72% framhjáhaldara að þetta væri dagurinn til að laumast í burtu með viðhaldinu…kannski í helgarferð, kannski bara í kvöldhitting. Talsmaður síðunnar, Christian Grant, útskýrir: „Ótrúi föstudagurinn (e. Unfaithful Friday) og dagarnir þar í kring, það er tíminn sem sá sem á í leynilegu sambandi laumast burt. Í desember þarf hann eða hún að sjá um allt jólastandið og eyða tíma með fjölskyldunni. Krakkarnir fara í jólafrí og fjölskyldan tekur yfir.“