Var ekki hugað líf vegna lystarstols en hefur nú náð ótrúlegum árangri: Jodie-Leigh Neil veiktist heiftarlega af átröskun eftir að besti vinur hennar lést í hörmulegu slysi árið 2013. Ári seinna greindist hún með lystarstol, kvíða og þunglyndi og árið 2015 var hún flutt á sjúkrahús þar sem hún þurfti að nærast í gegnum slöngu.
Læknar sögðu henni að ef ekkert yfir að gert myndi hún ekki lifa lengi. Jodie sem er 18 ára gömul frá Hampshire í Bretlandi innbyrti aðeins 20 hitaeiningar á dag, stundaði líkamsrækt á nóttunni og var í lokin aðeins 34 kíló. Ef hún fór í bað þurfti hún að liggja á þremur handklæðum og gat hún ekki notað salerni sársaukalaust þar sem hún var svo beinaber.
Neyddist hún til að hætta í skóla og var samband hennar við foreldrana einkar slæmt þar sem hún átti til að taka æðisköst. Fyrr á þessu ári fékk hún þó uppljómum – að hún myndi kjósa líf frekar en dauðann. Til að yfirstíga hræðslu sína við mat söfnuðust vinir hennar og fjölskylda til hennar á matmálstímum, þau spiluðu spil, hlustuðu á tónlist til að gera matartímana ánægjulega.
Í dag er hún orðin eðlileg á ný – hún er komin í skólann og er hætt að einangra sig. „Ég hafði ótrúlega neikvæða líkamsímynd og sjálfstraust mitt var ekkert.“
Foreldrar Jodie eru aftur orðnir bestu vinir hennar og það virðist allt á uppleið hjá þessari fallegu konu. Hún er með Instagramsíðu þar sem hún póstar myndum af sér og hvetur átröskunarsjúklinga til dáða: „Fyrst ég gat þetta, geta þetta allir,“ segir hún.
