Skelfilegt mál: Maður sem notaði plastflösku til að svala kynþörf sinni þurfti að leita til lækna eftir að flaskan festist á getnaðarlimi hans. Maðurinn, sem er fimmtugur, átti enga konu og í stað þess að leita strax á sjúkrahús skammaðist hann sín of mikið og beið í fjóra daga.

Afleiðingin var sú að frumurnar dóu og var læknunum ljóst að aflima þyrfti manninn…í orðsins fyllstu merkingu. Maðurinn var enn með flöskuna fasta á þegar hann kom á spítalann. Limurinn var orðinn svartur og var rotnun hafin.

Þvagfæralæknirinn Dennis Chirinos framkvæmdi uppskurðinn og sagði að þvagrás sjúklingsins hafi verið sett á annan stað þannig maðurinn getur haft þvaglát en hann mun aldrei getað stundað kynlíf framar: „Þetta er furðulegt mál,“ sagði læknirinn. „Þessi maður var fimmtugur og af því hann átti ekki kærustu eða eiginkonu vildi hann svala kynþörf sinni. Þannig hann lét lim sinn í flösku og það orsakaði drep í limnum. Hann kom fjórum dögum seinna og við þurftum að aflima manninn. Ef þú setur liminn á þér í flösku stöðvar það blóðflæðið og innan aðeins fjögurra tíma getur komið drep. Þetta er vandræðaleg uppákoma. Í þessu tilfelli beið hann of lengi til að leita læknis.“

Þetta er ekki í fyrsta skipti sem svona lagað gerist. Fyrir fjórum árum síðan gerðist svipað við mann nokkurn en hann þurfti að vera aflimaður eftir að hafa fest félagann í glasflösku.