Liturinn Pantone 488C hefur verið valinn sem ljótasti og minnst aðlaðandi litur í heimi. Honum hefur verið lýst sem „dauðum, skítugum og tjörukenndum.“ Ástæða þess að lagst var í rannsóknir af þessu tagi eru heilsufarslegar: Markmiðið er að fá fólk til að hætta að reykja.

Rannsóknarþátttakendur völdu litinn Pantone 488C, sem einnig er þekktur sem Opaque Couche, litinn sem höfðaði hvað verst til þeirra. Þátttakendur voru reykingafólk á aldrinum 16 til 64 ára. Hugmyndin var sú að ef sígarettupakkar litu nógu ömurlega út myndu færri vilja kaupa þá eða láta sjást með þá.