Donald Trump hefur ábyggilega orðið brjálaður að frétta af þessu: Dóttir hans, Ivanka, pantaði fullt af skartgripum frá Lady Grey skartgripaframleiðandanum. Jill Martinelli og Sabine Le Guyader, hönnuðir skartgripanna, voru glaðar að afgreiða pöntunina, en ekki jafn ánægðar að þiggja peningana hennar. Í staðinn tóku þær hagnaðinn af pöntuninni og gáfu til framboðs Hillary Clilnton, Innflytjendaráðs Bandaríkjanna og Gun Safety Organization, (samtök sem berjast fyrir takmarkaðri byssueign).
Hönnuðirnir sögðu:
„Þó við værum upp með okkur að fá pöntun frá Ivönku fara okkar sjónarmið, hvorki samfélagsleg né pólitísk, ekki saman við framboð Trumps á neinn hátt. Þegar við fengum pöntunina fundum við um leið að við gætum ekki tekið við peningunum heldur gefa til stofnana sem eru meira í takt við hugsjónir okkar.“
